Беспілотнікі атакавалі Каспійск у Дагестане

• 30.11.2024, 11:13

Аэрапорт Махачкалы тэрмінова спыніў працу.

Беспілотныя лётныя апараты атакавалі аб'екты ў Каспійску ў Дагестане. Пра гэта паведаміў кіраўнік рэспублікі Сяргей Мелікаў у сваім Telegram-канале, піша «Фокус».

«Сёння, паводле папярэдняй інфармацыі, была ажыццёўленая чарговая безвыніковая спроба нападу беспілотнага лётнага апарата па аб'ектах у Каспійску. На гэты момант інфармацыі пра разбурэнні і ахвяраў няма», – сказаў Сяргей Мелікаў.

Акрамя гэтага, была прыпыненая праца аэрапорта Махачкалы праз пагрозу дрона, уведзены рэжым «Дыван».