Курс біткойна абнавіў месячны максімум

• 20.05.2024, 21:11

Кошт крыптавалюты перавысіў $68 тысячаў.

Курс біткойна (BTC) 20 траўня вырас на 2%, падняўшыся на біржы Binance да адзнакі $68,55 тыс. у пары да стэйблкойна USDT. За мінулы тыдзень першая крыптавалюта падаражэла на 8%. Рынкавая капіталізацыя біткойна вырасла да $1,3 трлн. Аб'ём гандлю за дзень вырас на 59%, да $26 млрд.

Пераадоленне мяжы $68300 можа справакаваць моцнае ралі біткойна. Пра гэта напісаў у пасце аналітык 10x Research Маркус Тылен , які ў лістападзе 2022 года дакладна прадказаў падзенне біткойна, а потым, перад красавіцкім халвінгам, спрагназаваў яго рост да новых рэкордных максімумаў.