У Менску на вуліцы Клумава заўважылі дзіўны пешаходны пераход

• 7.08.2024, 18:26

Відэафакт.

На сталічнай вуліцы Клумава каля дома №11 з'явіўся пешаходны пераход, адзін канец якога вядзе на газон, іншы - у яму. Пасля таго як мянчук выклаў у TikTok відэа аб аб'екце, сітуацыю пракаментавалі ў адміністрацыі Партызанскага раёна.

Намеснік кіраўніка адміністрацыі Партызанскага раёна Уладзімір Лебедзь распавёў агенцтву «Минск-Новости», што да нядаўняй пары пешаходнага пераходу ў гэтым месцы не было зусім, але «пасля неаднаразовых зваротаў грамадзян у рамках рэалізацыі праграмы па бяспецы дарожнага руху прынялі пастанову яго ўсталяваць».

Чыноўнік запэўніў, што работы па добраўпарадкаванні ўсё яшчэ не скончаныя - засталося звязаць пераход з пешаходнымі дарожкамі, аўтобусным прыпынкам і абсталяваць спуск. Як запэўніў Уладзімір Лебедзь, усё будзе гатовае да 29 жніўня.