Пакістан і Індыя дамовіліся аб спыненні агню

• 10.05.2025, 15:51

Пасля доўгай ночы перамоў і пры пасярэдніцтве ЗША.

Прэзідэнт ЗША Дональд Трамп заявіў, што Індыя і Пакістан дамовіліся аб спыненні агню.

«Пасля доўгай ночы перамоў пры пасярэдніцтве ЗША я рады абвясціць, што Індыя і Пакістан дамовіліся аб поўным і неадкладным спыненні агню. Віншую абедзве краіны з тым, што праявілі цвярозы розум і высокі ўзровень разумнасці. Дзякуй за ўвагу да гэтага важнага пытання!», - напісаў Трамп у сваёй сацсетцы Truth Social.

Міністр замежных спраў Пакістана Махамад Ісхак Дар пацвердзіў словы амерыканскага прэзідэнта аб дамоўленасці з Індыяй аб спыненні агню. Аб гэтым кіраўнік пакістанскага МЗС напісаў у сацсетцы Х.

«Пакістан і Індыя дамовіліся аб спыненні агню з неадкладным уваходжаннем у дзеянне. Пакістан заўсёды імкнуўся да міру і бяспекі ў рэгіёне і не саступаў сваім суверэнітэтам і тэрытарыяльнай цэласнасцю!», - паведаміў Махамад Ісхак Дар.