Беларусы, якія афармляюць шэнгенскія візы праз Гішпанію, сутыкнуліся з «сюрпрызам»

• 17.05.2025, 9:42

У многіх зрываюцца адпачынкі.

У візавым цэнтры Гішпаніі ў Менску ўзніклі праблемы з лагістыкай. Інакш цяжка растлумачыць, чаму дастаўка дакументаў з Менска ў Маскву займае блізу сямі дзён - і столькі ж у зваротным кірунку, піша udf са спасылкай на тэлеграм-канал «Візавы крот».

Праз гэтыя затрымкі, як адзначаецца, людзі не паспяваюць атрымаць пашпарты своечасова, таму ў іх зрываюцца паездкі, згараюць білеты, рэзерваванне і адпачынкі.

Гішпанскае консульства ў Маскве пачынае лічыць тэрміны разгляду не з дня падачы дакументаў у Менску, а з таго моманту, калі яны фактычна трапляюць у Маскву.

Таму вельмі важна планаваць усё загадзя, бо цяпер ад моманту падачы дакументаў у Менску да атрымання пашпарта можа прайсці 6-7 тыдняў, папярэджвае "Візавы крот".