Беларусы сталі больш выдаткоўваць на ежу

• 18.05.2025, 13:04

Большая частка выдаткаў прыпала на гандлёвыя аб'екты.

За першыя чатыры месяцы 2025 года жыхары Беларусі выдаткавалі ў крамах, кавярнях і рэстаранах блізу 31 мільярда рублёў – на 10% больш, чым за аналагічны перыяд мінулага года, падлічылі ў Белстаце, піша «Онлайнер».

Большая частка выдаткаў – 29,7 мільярда рублёў – прыйшлася на гандлёвыя аб'екты. Рост склаў 10,8% у параўнанні са студзенем – красавіком 2024-га.

На грамадскае харчаванне – кавярні і рэстараны – беларусы накіравалі 2,1 мільярда рублёў, што на 4,8% больш, чым год таму.

У сярэднім кожны жыхар краіны выдаткоўваў за дзень 28,3 рубля. Гэта на 4,2 рублі больш, чым летась.