У Сірыі атакаваная расейская вайсковая база

• 20.05.2025, 16:35

Паведамляецца аб стратах сярод расейскіх вайскоўцаў.

У Сірыі чарговы раз адбылася атака з боку мясцовых жыхароў на расейскую вайсковую базу Хмеймім. Была перастрэлка, у выніку чаго ёсць загінулыя з абодвух бакоў.

Пра гэта паведаміў 20 траўня «Фокус» са спасылкай на расейскі тэлеграм-канал «вайсковы інфарматар».

Паведамляецца, што адбылася перастрэлка расейскіх вайскоўцаў, якія знаходзяцца на базе, з «сірыйскімі баевікамі».

«Каля авіябазы Хмеймім адбылася перастрэлка паміж расейскімі вайскоўцамі і сірыйскімі баевікамі. Паведамляецца аб наяўнасці страт сярод расейскіх вайскоўцаў і аб знішчэнні нападнікаў», — гаворыцца ў паведамленні.

«Інфарматар» піша, што імаверна, спробу нападу ўчынілі сябры радыкальных груповак, якія так і не далучыліся да новай улады Сірыі пасля захопу ўлады. Таксама адным з варыянтаў нападу на авіябазу, з'яўляецца магчымы ціск на расейскія ўлады новай улады Сірыі шляхам прамых узброеных нападаў.