У кватэры жыхароў Жодзіна прылятаюць кажаны

• 24.05.2025, 13:00

Спатрэбілася дапамога ратавальнікаў.

У Жодзіне кажаны сталі няпрошанымі гасцямі ў кватэрах, і жыхарам спатрэбілася дапамога ратавальнікаў, піша blizko.by.

Учора ўвечары на вуліцы 8 Сакавіка гаспадыня кватэры выявіла ў сваім жыллі кажана. Яна звярнулася па дапамогу да спецыялістаў МНС.

Сёння раніцай такі інцыдэнт здарыўся на вуліцы 50 гадоў Кастрычніка. Ратавальнікі аператыўна прыбылі на месца, злавілі аблудных жывёл і выпусцілі іх на волю ў двары дома, паведамілі ў МНС Беларусі.