Гомельскага кіроўцу на працы пакаралі на $470

• 26.05.2025, 12:41

Ён дабіўся скасавання штрафу.

У Гомелі кіроўца аднаго з прадпрыемстваў атрымаў штраф у суме 1520 беларускіх рублёў за нібыта няправільнае афармленне дарожных лістоў і нястачу паліва. Ён аспрэчыў гэтую пастанову ў судзе, паведамляе «Гомельская правда».

Кіроўцу прадпрыемства абавязалі штомесяц выплачваць 20% ад заробку - так пастанавіў працадаўца, аформіўшы гэта асобным загадам аб матэрыяльнай адказнасці. Але сам мужчына з гэтым не пагадзіўся.

Юрысты высветлілі, што працадаўца парушыў закон, прапусціўшы тэрміны для прыцягнення да матэрыяльнай адказнасці і не ўказаўшы дакладныя даты ў дакументах. Суд прызнаў дзеянні працадаўцы неправамернымі і скасаваў штраф, а грошы вярнулі кіроўцу.

Пасля гэтага мужчына скасаваў кантракт з прадпрыемствам - высветлілася, што працадаўцу таксама давялося кампенсаваць яму парушэнне працоўнага заканадаўства, звязанае з несвоечасовым прадстаўленнем адпачынку.