Трамп назваў умову «шчасця» ЕЗ і Кітая ад гандлёвых мытаў

• 27.05.2025, 18:07

Прэзідэнт ЗША дамагаецца ад ЕЗ падвышэння мытаў на імпарт тавараў з Кітая.

Амерыканскі лідар Дональд Трамп выказаў надзею на тое, што ЕЗ «адкрыецца» для гандлю з ЗША і ўхваліць яго патрабаванне наконт Кітая. Пра гэта ён напісаў на сваёй старонцы ў Truth Social.

"Мне толькі што паведамілі, што Еўразвяз патэлефанаваў, каб хутка прызначыць даты сустрэчы. Гэта пазітыўная падзея, і я спадзяюся, што яны, нарэшце, як і ў выпадку з маім патрабаваннем да Кітаю, адкрыюць еўрапейскія краіны для гандлю з ЗША. Яны абодва будуць вельмі шчаслівыя і паспяховыя, калі гэта зробяць”, — напісаў ён.

Як пісала газета The Wall Street Journal са спасылкай на крыніцы, Трамп дамагаецца ад ЕЗ падвышэння мытаў на імпарт тавараў з Кітая для ўкладання гандлёвага пагаднення з ЗША.