У цэнтры Менска абмяжуюць рух

• 1.06.2025, 10:47

Названая прычына.

У нядзелю, 1 чэрвеня, у цэнтры Менска ў першай палове дня абмяжуюць рух усіх транспартных сродкаў. Гэта звязана з правядзеннем масавага мерапрыемства, папярэджвае сталічная Дзяржаўтаінспекцыя.

Так, з 7:50 да 12:10 рух будзе абмежаваны:

па цотным баку праспекта Пераможцаў на адрэзку з вуліцы Паркавай да вуліцы Ратамскай;

па з'ездзе з МКАД.

А з 7:50 да 13:10 рух абмяжуюць:

па цотным баку праспекта Пераможцаў ад вуліцы Ратамскай да вуліцы Леніна;

па вуліцы Леніна ад праспекта Пераможцаў да праспекта Незалежнасці;

па праспекце Незалежнасці ад вуліцы Бабруйскай да плошчы Перамогі (уключаючы кругавую транспартную развязку плошчы Перамогі);

па праспекце Машэрава ад праспекта Пераможцаў да вуліцы Даўмана.

У гэтыя выходныя ў Менску праходзіць міжнародны фестываль трыятлону – спаборніцтвы IRONSTAR MINSK. У нядзелю запланаваны трыятлон з дзвюма дыстанцыямі: Ironstar (плаванне – 1,9 км, велагонка – 90 км, бег – 21 км) і Olympic (плаванне – 1,5 км, велагонка – 40 км, бег – 10 км). Плавальны этап пройдзе на Менскім моры, роварны – па праспектах Пераможцаў і Незалежнасці, а бегавы – па парку Перамогі.