Мінімум дзесяць расейскіх БПЛА заляцелі ў Беларусь

• 1.06.2025, 13:18

Два з іх прадоўжылі рух у бок Украіны.

Як мінімум дзесяць расейскіх беспілотных лётных апаратаў (БПЛА) парушылі паветраную прастору Беларусі, два з іх прадоўжылі рух у бок Украіны.

Паводле звестак украінскага маніторынгавага каналу «Рында Маніторыт», уварванне адбылося з боку Чарнігаўскай вобласці Украіны: падчас масаванага нападу Расеі на ўкраінскую тэрыторыю дроны адзін за адным групамі перасякалі мяжу Беларусі, якая праходзіць па рацэ Дняпро ў Лоеўскім і Брагінскім раёнах.

Як мінімум два беспілотнікі праляцелі над тэрыторыяй Радыялагічнага запаведніка і накіраваліся ў бок украінскага горада Оўруч.

Інфармацыя пра падзенне БПЛА на населеныя пункты на тэрыторыі Беларусі не паступала.