Новы авіярэйс можа з'явіцца паміж Берасцем і Калінінградам

• 10.06.2025, 9:08

Але «Белавія» не зможа лётаць.

Беларусь і Калінінградская вобласць разгледзяць магчымасць адкрыцця авіярэйсаў з Берасця.

Пра гэта заявіў губернатар Калінінградскай вобласці Расеі Аляксей Беспразванных.

Як паведасмляе БЕЛТА, кіраўнік расейскага рэгіёну канстатаваў, што пасажыраплынь паміж Калінінградскай вобласцю і Беларуссю пастаянна расце - з кожным годам на 15-20%. Ён сам, калі ляцеў у Менск, адзначыў поўную загрузку самалёта. Неўзабаве геаграфія палётаў можа пашырыцца.

«Дамовіліся, што разгледзім магчымасць авіязлучэння Берасце-Калінінград. Таксама вельмі важны кірунак, бачым цікавасць да яго з абодвух бакоў», - сказаў Аляксей Беспрозванных.

Выконваць гэты рэйс змогуць толькі расейскія авіякампаніі. Бо з траўня 2021 года ў «Белавія» няма доступу да паветранай прасторы краін Еўразвязу.