Бундэстаг адказаў Валодзіну

• 10.06.2025, 9:35

Бэрлін заявіў, што Расея не зможа запалохаць Нямеччыну.

Днямі старшыня Дзярждумы РФ Вячаслаў Валодзін адправіў зварот Прэзідэнту Бундэстага і лідарам пяці парламенцкіх фракцый.

Крэмль абвінаваціў канцлера Нямеччыны Фрыдрыха Мэрца ў "скажэнні гісторыі” і падтрымцы “Кіеўскага рэжыму", паведамляе рэсурс ntv-de.

У звароце Валодзін напісаў, нібыта сёння палітыка Бэрліна вядзе да таго, што народы Нямеччыны і Расеі зноў могуць “сысціся на полі бою”. Аднак, як піша Валодзін, Расея гэтага не хоча.

Прэзідэнт Бундэстага Юлія Клекнер заявіла, што ніводная краіна свету не зможа запалохаць Нямеччыну ў яе “замежнай палітыцы, у яе гістарычнай самасвядомасці і культуры памяці”.

Яна падкрэсліла, што ва Украіне няма ніякага “фашызму”, а Дзярждуме неабходна ад Пуціна патрабаваць спынення вайны. Украіна павінна быць суверэннай і незалежнай краінай. Вайна РФ толькі парушае міжнароднае права.