Беларуска нарадзіла дзіця дома і пакінула ў смеццевым кантэйнеры

• 10.06.2025, 16:06

Дзяўчынка выжыла.

26-гадовую жыхарку Мастоўскага раёна абвінавачваюць у замаху на забойства нованароджанай дачкі. Дзіця знайшлі побач са смеццевым бакам выпадковыя мінакі - яго ўдалося выратаваць, паведамляе Генпракуратура.

"Падчас папярэдняга следства ўстаноўлена, што раніцай 27 лістапада 2024 года абвінавачаная пасля непасрэдна перанесеных родаў дома, загарнула нованароджаную дачку ў начную кашулю і змясціла яе ў палімерны мяшок. Маючы намер пазбавіцца ад дзіцяці, яна паклала мяшок у размешчаны ў двары дома кантэйнер для бытавых адкідаў", - паведамляе прэс-служба Генпракуратуры.

Мясцовыя жыхары заўважылі дзіця і выклікалі экстранныя службы.

Следчы камітэт распачаў крымінальную справу. Затрыманай інкрымінуюць замах на забойства, учыненае з асаблівай жорсткасцю. Абвінавачаная знаходзіцца пад вартай.