Якім будзе надвор'е да канца працоўнага тыдня

• 10.06.2025, 17:55

Прагноз на 11-13 чэрвеня.

11 чэрвеня ўмовы надвор'я ў Беларусі ў асноўным будуць вызначаць атмасферныя франты, якія змяшчаюцца з захаду. Чакаецца воблачнае з праясненнямі надвор'е. Ноччу пераважна па захадзе, раніцай і днём на большай частцы тэрыторыі пройдуць дажджы.

Днём месцамі прагрымяць навальніцы. Уночы і раніцай у асобных раёнах слабы туман. Вецер ноччу паўднёвы, днём паўднёва-ўсходні сярэдні, пры навальніцах парывісты. Тэмпература паветра мінімальная ўночы + 6..+ 12°С, максімальная ўдзень + 15..+ 21°С. Атмасферны ціск будзе падаць.

12 чэрвеня варункі надвор'я будуць вызначаць атмасферныя франты ад цыклона, цэнтр якога зрушыцца з Балтыйскага мора на Маскоўскую вобласць Расеі. Чакаецца воблачнае надвор'е. На большай частцы тэрыторыі краіны пройдуць дажджы, удзень месцамі па паўночным усходзе чакаюцца моцныя дажджы. У дзённыя гадзіны ў асобных раёнах магчымыя навальніцы. Вецер паўночна-заходні ноччу сярэдні, раніцай і ўдзень парывісты, месцамі моцны парывісты. Тэмпература паветра ўначы +6..+13°С, днём + 12..+19°С.

13 чэрвеня варункі надвор'я працягнуць вызначаць атмасферныя франты. Хмарна. На большай частцы тэрыторыі Рэспублікі дажджы, удзень месцамі магчымыя навальніцы. Вецер паўночна-заходні парывісты, уночы месцамі, раніцай і ўдзень на большай частцы моцны парывісты. Тэмпература паветра ўначы +7..+13°С, удзень + 14..+21°С.