УСУ ўдарылі па сакрэтным расейскім складзе ў Курскай вобласці

• 11.06.2025, 16:41

Z-каналы ў жалобе.

Борт Паветраных сіл УСУ нанёс вельмі балючы ўдар па акупантах у вёсцы Кульбаках Курскай вобласці РФ.

Знішчаны сакрэтны склад УС РФ. Пра гэта паведаміў 11 чэрвеня Z-рэсурс «Северный канал», які, як мяркуецца, звязаны з акупацыйным расейскім войскам, паведамляе «Диалог».

Паводле канала, на аб'ект прыляцелі 4 бомбы. Наступствы сумныя для акупантаў.

«Быў будынак, а зараз яго няма. Там быў склад нават не з боепрыпасамі ці вайсковай тэхнікай, а з чымсьці важнейшым: сістэмамі РЭБ (радыёэлектроннай барацьбы - рэд.), дарагой электронікай...Захоўвалася яно ў абсалютным сакрэце...Нічога не прадвяшчала», — напісаў «Паўночны канал».

Ён адзначыў, што ў апошні час УСУ вельмі высокадакладна атакуюць асабліва важныя аб'екты УС РФ у Курскай вобласці.