Зяленскі: РФ плануе знішчыць Адэсу і выйсці да мяжы з Малдовай і Румыніяй

• 11.06.2025, 21:06

Гэты горад з'яўляецца мішэнню для Расеі.

Войскі краіны-агрэсаркі РФ не пакідаюць надзеі захапіць Адэсу, а затым выйсці да межаў з Румыніяй і Малдовай. Пра гэта заявіў Прэзідэнт Украіны Уладзімір Зяленскі 11 чэрвеня, выступаючы на саміце «Украіна – Паўднёва-Усходняя Еўропа», які офіс прэзідэнта Украіны транслюе ў YouTube.

«Гэты горад [Адэса] з'яўляецца мішэнню для Расеі, і Расея хоча знішчыць яго, як гэта зрабіла ўжо з незлічонай колькасцю гарадоў і вёсак на акупаваных тэрыторыях. Расейскія вайсковыя планы паказваюць на гэты рэгіён - Адэса ,і затым [выйсці] да мяжы з Малдовай і Румыніяй», – сказаў украінскі прэзідэнт.

Зяленскі адзначыў неабходнасць абароны ад супольнікаў Украіны і доўгатэрміновых гарантый, што «гэта ніколі не адбудзецца». Ён казаў пра рэальныя інструменты для стрымлівання і хуткага рэагавання» – ад супрацьпаветранай абароны да абароны ад кіберпагроз.