У Кіеў прыбыў кіраўнік Міністэрства абароны Нямеччыны Пісторыюс

• 12.06.2025, 9:23

Запланаваная сустрэча з прэзідэнтам Украіны.

Кіраўнік Міністэрства абароны Нямеччыны Барыс Пісторыюс прыбыў у Кіеў. Плануе абмеркаваць сітуацыю ва Украіне, а таксама далейшую падтрымку краіны.

Пра гэта паведамляе Spiegel.

Як пішуць СМІ, падчас паездкі Пісторыюс сустрэнецца з прэзідэнтам Украіны Уладзімірам Зяленскім.

«Мы зробім усё, каб падтрымаць Украіну так, каб яна магла абараніць сябе і апынулася ў такой пазіцыі, дзе Расея будзе гатовая да сур'ёзных перамоў», - заявіў Пісторыюс перад паездкай.