Еўрапейскі футбол устанавіў новы фінансавы рэкорд

• 12.06.2025, 17:17

Даходы выйшлі на рэкордны ўзровень.

Еўрапейскі футбол прадаўжае нарошчваць даходы, якія выйшлі на рэкордны ўзровень для гэтай індустрыі.

Аб гэтым паведамляе The Athletic са спасылкай на справаздачу Deloitte.

У сезоне-2023/24 агульны даход усіх клубаў і футбольных асацыяцый Еўропы склаў 38 мільярдаў еўраў. Рост да рэкорднай сумы ў гісторыі склаў 8%.

Лідарамі па даходнасці застаюцца чэмпіянаты Англіі, Гішпаніі, Італіі, Нямеччыны і Францыі. Топ-5 ліг упершыню зарабілі больш за 20 мільярдаў еўраў з агульнай сумы ўсяго кантынента.

У далейшым чакаецца рост даходаў еўрапейскага футбола. У Deloitte чакаюць, што ў сезоне-2024/25 сума складзе 39,3 мільярда, а ў 2025/26 - 43,1 мільярда.

Таксама ў прагнозе падкрэсліваецца, што дамінантным прадуктам еўрапейскага футбола застанецца ангельская Прэм'ер-ліга, якая будзе ўмацоўваць свае пазіцыі ў найбліжэйшыя гады.