СМІ: Ізраіль ліквідаваў кіраўніка войска Ірана і высокапастаўленых навукоўцаў-ядзернікаў

• 13.06.2025, 7:56

Таксама стала вядома пра гібель камандзіра КВІР.

Ізраіль у рамках аперацыі мог ліквідаваць камандзіра войска Ірана Махамада Багеры. Таксама маглі загінуць высокапастаўленыя навукоўцы-ядзернікі.

Пра гэта паведамляе Haaretz.

Як адзначае выданне са спасылкай на крыніцы ў службах бяспекі Ізраіля, «расце імавернасць» таго, што ў выніку ізраільскай атакі загінулі начальнік штаба іранскага войска, іншыя чальцы Генеральнага штаба і старшыя навукоўцы-ядзернікі.

Таксама іранскія СМІ паведамляюць пра гібель камандзіра Корпуса вартавых ісламскай рэвалюцыі Ірана Хасэйна Саламі.