«У Беларусі нацыянальная ежа стала дэлікатэсам»

• 13.06.2025, 11:10

Беларуску ўразіла бульба фры ў Баранавічах.

Беларуска Наталля Прашуніна паказала ў TikTok кошт бульбы фры ў Баранавіцкай краме - 22 рублі. Відэа набрала некалькі дзясяткаў тысяч праглядаў, піша «Зеркало».

«Гэта Беларусь, дзетка. Хочаце ўбачыць, колькі у нас бульба фры? Глядзіце - 22 рублі бульба фры. Я шалею», - кажа за кадрам жанчына.

Больш за ўсё падабаек у асноўным атрымалі каментары, дзе карыстальнікі таксама выказваюць здзіўленне коштам:

• «У Беларусі нацыянальная ежа стала дэлікатэсам»

• «Таго пакалення, што за капейкі на рынках прадавала, ужо няма. Прывыклі есці танна - лецішчы не выгадна, усе ў кватэрах - вось маем»

• «Кошты на гародніну і садавіну жах».

• «Не толькі на гародніну і садавіну. У Беларусі на ўсе кошты ого-го»

• «Гэта развіццё 30 гадоў».

• «Напэўна, вельмі храбусткая»

Адзначым, што па прыкладна такім жа кошце (21,39 рубля) гатовую бульбу фры можна купіць і ў дастаўцы сеткі Green.

Агула жа такая цана на вагу значна меншая за тую, што выходзіць, калі купляць порцыі бульбы фры ва ўстановах — напрыклад, у Mak.by кіло каштавацьме прыкладна 36,1 рубля, а ў сталічнай кавярні «ШалычОК» — ужо 40 рублёў.