У Беларусі абмежавалі продаж алкаголю

• 13.06.2025, 11:26

Гэта звязана з выпускнымі вечарамі.

У пятніцу, 13 чэрвеня, у краіне ўведзеныя абмежаванні на продаж алкаголю. Гэта звязана з выпускнымі вечарамі.

Абмежаванні ў продажы алкаголю ў кожным раёне ўстанаўліваюць мясцовыя ўлады.

Да прыкладу, многія раёны ўстанавілі такую меру да канца дня пятніцы, 13 чэрвеня. Іншыя ж вялі абмежаванні з 8:00 13 чэрвеня да 8:00 14 чэрвеня. А ў некаторых раёнах алкаголь не будуць прадаваць толькі ў другой палове дня пятніцы.

Традыцыйна на час правядзення школьных мерапрыемстваў ва ўсёй краіне забараняюць прадаваць алкаголь у раздробным гандлі. Выключэнне - ва ўстановах грамадскага харчавання, якія прадаюць напоі на разліў. Алкаголь таксама будзе даступны для вясельных урачыстасцяў, юбілеяў або рытуальных цырымоній.

Аналагічныя меры дзейнічалі 24 траўня — у дзень правядзення апошніх званкоў у школах.