Войска абароны Ізраілю паказала відэа ліквідацыі сістэм СПА Ірана

• 13.06.2025, 13:52

Знішчаныя дзясяткі радараў і пускавых установак ракет класа «зямля-паветра».

Войска абароны Ізраілю падчас удару па сістэме СПА іранскага рэжыму ліквідавала дзясяткі радараў і пускавых установак ракет класа «зямля-паветра».

Пра гэта паведамляе прэс-служба ЦАХАЛ.

«У апошнія гадзіны знішчальнікі ВПС пад дакладным кіраўніцтвам выведвальнай управы ажыццявілі маштабны ўдар па сістэме СПА іранскага рэжыму ў Заходнім Іране», - гаворыцца ў паведамленні.

Падчас нападаў былі знішчаныя дзясяткі радараў і пускавых установак ракет класа «зямля-паветра».

Як зазначаецца ў паведамленні, цягам усёй вайны Войска абароны Ізраіля сістэматычна наносіла ўдары па сістэме СПА іранскага рэжыму і яго давераных асоб на Блізкім Усходзе.