Іран пацвердзіў ліквідацыю топ-камандзіра, які перадаваў РФ «Шахеды»

• 13.06.2025, 17:44

Ён быў ліквідаваны разам з іншымі афіцэрамі ў выніку авіяўдару па камандным цэнтры.

Корпус вартавых ісламскай рэвалюцыі Ірана пацвердзіў, што яго камандуючы аэракасмічнымі сіламі быў ліквідаваны разам з іншымі афіцэрамі ў выніку авіяўдару Ізраіля па камандным цэнтры.

Пра гэта паведамляе РБК-Украіна са спасылкай на The Times of Israel.

Як паведаміў кіраўнік Цэнтра супрацьдзеяння дэзінфармацыі РНБА Украіны Андрэй Каваленка, Хаджызадэ меў наўпроставае дачыненне да перадачы Расеі дронаў-камікадзэ «Шахед».

Атака Ізраіля па Іране

Нагадаем, у ноч на 13 чэрвеня авіяцыя Ізраіля ў рамках аперацыі «Львіны народ» нанесла ўдары па вайсковых і ядзерных аб'ектах Ірана. Дарэчы, быў атакаваны найбуйнейшы аб'ект узбагачэння ўрану ў раёне Натанза.

Пазней ЦАХАЛ заявіў, што сабраў і прааналізаваў вялікую колькасць выведвальных матэрыялаў, якія сведчаць аб наяўнасці ў Ірана канкрэтнага плана знішчэння Ізраіля.

Падчас авіяўдараў Ізраіля ў Іране загінулі сама меней 20 іранскіх высокапастаўленых камандзіраў.

Таксама ЦАХАЛ пісаў, што падчас авіяўдару было атакавана больш за 100 цэляў на тэрыторыі Ірана.

Акрамя таго, ізраільскае войска абвясціла аб заканчэнні маштабнай аперацыі па авіяўдарах па ракетнай інфраструктуры Ірана. За апошнія гадзіны былі знішчаныя дзясяткі вайсковых аб'ектаў.