Нідэрланды афіцыйна падтрымалі 5% ВУП абаронных выдаткаў

• 13.06.2025, 19:00

У найбліжэйшы час гэтую норму падтрымаюць усе краіны NATO.

Часовы ўрад Нідэрландаў задэклараваў мэту дасягнуць выдаткаў на абарону і звязаных выдаткаў у суме 5% ВУП, як гэта будуць прадугледжваць новыя патрабаванні NATO.

Як паведамляе «Еўрапейская праўда», пра гэта нідэрландскі ўрад абвясціў у пятніцу.

У лісце ў Палату прадстаўнікоў Нідэрландаў часовы прэм'ер Дзік Схаоф абвясціў аб намерах дасягнуць выдаткаў на абарону ў суме 3,5% ВУП і яшчэ 1,5% ВУП - выдаткаў, звязаных з абаронным сектарам.

«З вайной на нашым кантыненце нашая бяспека больш не з'яўляецца гарантаванай. Таму мы непазбежна будзем больш інвеставаць у нашу ўласную абарону. NATO з'яўляецца ў гэтым незаменным», - заявіў Схаоф у лісце.

У бюджэце Нідэрландаў на 2026 год ужо закладзеныя 2,2% ВУП выдаткаў на абарону, уключаючы падтрымку Украіны.

Чакаецца, што паказчык 5% ВУП будзе зацверджаны як абавязковыя выдаткі на абарону для ўсіх чальцоў Паўночнаатлантычнага альянсу на саміце ў Гаазе 24-25 чэрвеня.