Іран б'е па Ізраілі: У Тэль-Авіве і Ерусаліме прагрымелі выбухі

• 13.06.2025, 21:58

Тэгеран запусціў некалькі хваляў ракетаў.

Іран пачаў масаваны запуск балістычных ракетаў па тэрыторыі Ізраіля. У краіне працуе супрацьпаветраная абарона, ізраільскія вайскоўцы запускаюць ракеты-перахопнікі ў адказ на атаку, паведамляе The Times of Israel.

Журналісты CNN паведамляюць, што выбухі былі чуваць як у Тэль-Авіве, так і ў Ерусаліме.

Ракеты, выпушчаныя з Ірана, упалі на адну з супольнасцяў у раёне Тэль-Авіва, аднак пра пацярпелых пакуль не паведамляецца. Пра гэта заявіў спікер ізраільскай паліцыі.

«Нядаўна паліцыя Ізраіля атрымала апавяшчэнне пра падзенне боепрыпасаў у адной з супольнасцяў у акрузе Тэль-Авіва. На гэтым этапе інфармацыі пра параненых няма, аднак нанесеныя матэрыяльныя страты», – сказаў спікер.

Паведамляецца, што Тэгеран запусціў некалькі хваляў ракетаў.