ЦАХАЛ нанёс новыя ўдары па іранскіх балістычных ракетах і пускавых устаноўках

• 14.06.2025, 10:56

Апублікаваныя кадры апошніх нападаў.

Вайскова-паветраныя сілы Ізраіля працягваюць наносіць удары па іранскіх балістычных ракетах і пускавых устаноўках.

Пра гэта паведамляе The Times of Israel.

Вайскоўцы таксама абнародавалі кадры нядаўніх удараў па аб'ектах Ірана.

Паводле звестак The Guardian, у відэазвароце ў пятніцу, 13 чэрвеня, прэм'ер-міністр Ізраіля Біньямін Нэтаньяху сказаў, што за апошнія 24 гадзіны яго краіна знішчыла вышэйшае вайсковае камандаванне, вядучых навукоўцаў-ядзершчыкаў і самы значны аб'ект ісламскага рэжыму па ўзбагачэнні ўрану і значную частку яго арсеналу балістычных ракет.