У Дубаі гарэў 67-павярховы хмарачос

• 14.06.2025, 17:24

У Сеціва патрапіла відэа маштабнага пажару.

У Дубаі ўспыхнуў маштабны пажар у 67-павярховым хмарачосе. Полымя ахапіла некалькі паверхаў, а густы дым быў бачны з розных раёнаў горада, паведамляе РБК-Украіна са спасылкай на The National.

Цяпер пажар патушылі, але, як паведамляецца, што на гэта спатрэбілася амаль 6 гадзін. Больш за тое, з будынка давялося эвакуяваць амаль 4 000 чалавек.

Улады зараз каардынуюць з забудоўшчыкам будынка захады па забеспячэнні часовага жылля для жыхароў дома.

Акрамя таго, транспартнае ўпраўленне паведаміла пасажырам аб перабоях у руху паміж станцыямі Дубай Марына і Пальма Джумейра праз пажар.

- Гэта зроблена для забеспячэння бяспекі пасажыраў і аблягчэння працы пажарных каманд, якія рэагуюць на інцыдэнт, - гаворыцца ў іх заяве.