УСУ вызвалілі Андрэеўку

• 14.06.2025, 21:34

Зяленскі падзякаваў украінскім вайскоўцам за паспяховую аперацыю на Сумшчыне.

Украінскія войскі вызвалілі Андрэеўку ў памежжы Сумскай вобласці і прасунуліся на Пакроўскім кірунку.

Аб гэтым заявіў украінскі прэзідэнт Уладзімір Зяленскі.

Зяленскі адзначыў, што сёння, 14 чэрвеня, заслухаў даклад гетмана УСУ Аляксандра Сырскага. З ягоных слоў, размова была пра сітуацыю на фронце і пра актыўныя дзеянні ўкраінскіх вайскоўцаў.

- Асобная і вельмі значная ўвага Пакроўскаму кірунку і нашай Сумшчыне - памежным раёнам нашай Сумшчыны. Удаецца выбіваць расейскія войскі адтуль. Я дзякую за гэта ўсім нашым падраздзяленням, якія сапраўды забяспечваюць вынікі, - дадаў ён.

Заўважым, што прэзідэнт Украіны таксама заявіў, што паводле вынікаў гэтых дзён асаблівай падзякі ўкраінцаў заслугоўваюць воіны 225-га асобнага штурмавага палка.

- Менавіта за наступальныя дзеянні ў прымежжы Сумшчыны і вызваленне, між іншым, Андрэеўкі. Дзякуй, хлопцы, вам вельмі!, - падкрэсліў Зяленскі.

Ён таксама адзначыў, што таксама варта адзначыць 425-ы асобны штурмавы полк за паспяховыя дзеянні на Пакроўскім кірунку.

- Яшчэ ў баях у Данецкай вобласці вызначыліся 1-й асобны штурмавы полк і 82-я асобная дэсантна-штурмавая брыгада. Вялікі дзякуй вам! На Купянскім кірунку ёсць добрыя вынікі ў 3-й штурмавой. Дзякуй!, - дадаў ён.

Акрамя гэтага кіраўнік украінскай дзяржавы ўспомніў і аб Курскай аперацыі.

- Працягваем нашы актыўныя дзеянні на тэрыторыі ворага. І ёсць за што адзначыць 33-і асобны штурмавы полк, 47-ю асобную механізаваную брыгаду і 103-ю асобную брыгаду ТРА. Дзякуй вам за смеласць!, - падсумаваў кіраўнік Украіны.