Іран планаваў перадаць ядравую зброю проксі сілам

• 14.06.2025, 21:54

Аб гэтым заявіў прэм'ер-міністр Ізраілю Біньямін Нетаньяху.

Іран меў намер стварыць ядравую зброю, пасля чаго перадаць яе сваім «тэрарыстычным проксі».

Пра гэта заявіў прэм'ер-міністр Ізраілю Біньямін Нетаньяху, паведамляе РБК-Украіна са спасылкай на яго выступ, апублікаваны ў YouTube.

- Я раскажу вам, што было б, калі б мы не прынялі захады. У нас была інфармацыя аб тым, што гэты беспрынцыповы рэжым плануе перадаць ядравую зброю, якую ён распрацуе, сваім тэрарыстычным проксі, - сказаў ён.

Нетаньяху падкрэсліў, што гэта ядравы тэрарызм у кубе і пагроза ўсяму свету. Таму Ізраіль "займаецца гэтым" (ліквідацыяй пагрозы), прычым пры падтрымцы ЗША і іншых у свеце.

- Пры падтрымцы, відавочнай падтрымцы прэзідэнта Злучаных Штатаў Дональда Трампа, амерыканскага народа і многіх іншых у свеце. Так што, з Божай дапамогай, з добрай воляй і рашучасцю ўсіх свабодных грамадстваў - мы пераможам, - дадаў прэм'ер.