Нэтаньяху заявіў пра «экзістэнцыйную барацьбу» Ізраіля з Іранам

• 15.06.2025, 18:09

Ізраільскія вайскоўцы гатовыя нанесці па Іране «зруйнавальны ўдар».

Ізраільскія вайскоўцы вядуць «вайну дзеля выратавання» і гатовыя нанесці па Іране «зруйнавальны ўдар», заявіў прэм'ер-міністр Ізраіля Біньямін Нэтаньяху.

Нэтаньяху наведаў Бат-Ям, дзе ўначы іранская балістычная ракета патрапіла ў шматпавярховы жылы дом. Ён выказаў спачуванні сем'ям загінулых і заявіў, што Іран заплаціць за тое, што адбылося, «вельмі высокі кошт».

«Мы вядзём экзістэнцыйную барацьбу з жорсткім ворагам, які імкнецца да нашага знішчэння. Нашы байцы і пілоты мужна дзейнічаюць у небе над Іранам. Мы нанясём ім зруйнавальны ўдар - і пераможам», - гаворыцца ў паведамленні ў тэлеграм-канале ізраільскага прэм'ера.