Беларуска злавіла на Прыпяці гіганцкага таўсталобіка

• 16.06.2025, 11:23

Яго вага - амаль 60 кг.

Беларусы працягваюць лавіць у рэках і азёрах важкія трафеі. Прычым памеры некаторых здзіўляюць. У канцы траўня сям'я з Мазыра рыбаліла на Прыпяці і злавіла таўсталобіка вагой амаль 60 кг.

Аляксандр распавёў onliner.by, што ў тую раніцу рыбаліў з лодкі разам з сям'ёй-жонкай Святланай і сынам Мікітам — на Прыпяці, каля паселішча Барбарава. Калі рыба пачала брацца на спінінг жонкі, спачатку падумалі, што гэта сом, але не!

Праз паўгадзіны рыбу дасталі з вады - і гэта быў гігант таўсталобік. Прыехаўшы дадому, трафей ўзважылі - шалі паказалі 59,56 кг «таўсталобік - гэта заслуга жонкі, ну і снасці не падвялі», - сціпла прызнаў Аляксандр.

Таўсталобіка, радзімай якога з'яўляецца Усходняя і Паўднёва-Усходняя Азія, у Беларусі часта выкарыстоўваюць для засялення вадаёмаў. Ён сілкуецца фітапланктонам. Вага рыбы можа дасягаць 20 кілаграмаў, але, як бачым, сустракаюцца асобіны значна буйнейшыя.