Украінская выпускніца выканала вальс з кіцелем загінулага на вайне бацькі

• 16.06.2025, 21:18

Чуллівае відэа.

На Прыкарпацці выпускніца Крысціна Марчук станцавала вальс з кіцелем бацькі, які загінуў на вайне.

Пра гэта інфармуе NV.

Традыцыйны танец, якія выпускнікі выконваюць на ўрачыстай падзеі з нагоды заканчэння школы, Крысціна не змагла падзяліць са сваім бацькам, бо ён загінуў, абараняючы Украіну. Таму дзяўчына ўзяла ў рукі кіцель і са слязамі на вачах станцавала. У канцы танца аднакласнікі падтрымалі выпускніцу.

Крысціна скончыла ліцэй №3 у Дзяляціне Івана-Франкоўскай вобласці. Бацька дзяўчынкі Андрэй Мікалаевіч Марчук загінуў 13 сакавіка 2022 года. Воіну было 48 гадоў.