Трамп склікаў тэрміновае пасяджэнне Рады нацыянальнай бяспекі

• 17.06.2025, 7:56

Прэзідэнт ЗША перапыніў удзел у саміце G7 праз сітуацыю на Блізкім Усходзе.

Прэзідэнт ЗША Дональд Трамп склікаў пасяджэнне Рады нацыянальнай бяспекі. Ён пройдзе адразу пасля вяртання амерыканскага лідара з саміту G7.

Пра гэта паведамляе Fox News.

Паводле звестак тэлеканала, Трамп папрасіў Раду нацыянальнай бяспекі падрыхтавацца да яго вяртання ў сітуацыйны пакой.

Трамп датэрмінова пакідае саміт G7

Нагадаем, раней прэс-сакратарка Белага дома Кэралайн Лівіт заяўляла, што прэзідэнт ЗША Дональд Трамп датэрмінова заканчвае свой удзел у саміце «Вялікай сямёркі» праз сітуацыю на Блізкім Усходзе.

Трамп пакінуў саміт увечары 16 чэрвеня паводле мясцовага часу(уначы 17 чэрвеня).

Раней у СМІ з'явілася інфармацыя, што ў амерыканскага лідара на саміце G7 запланаваная сустрэча з прэзідэнтам Украіны Уладзімірам Зяленскім . Але яна цяпер пад пытаннем.

Дарэчы, пасяджэнне Рады нацыянальнай бяспекі ЗША пройдзе на фоне эскалацыі сітуацыі на Блізкім Усходзе. Ізраіль і Іран працягваюць абменьвацца ракетнымі ўдарамі.

Пры гэтым амерыканскі лідар заклікаў жыхароў Тэгерана тэрмінова эвакуявацца.