«Пад'езд абрынуўся цалкам»

• 17.06.2025, 9:30

Расея ўдарыла па будынку інтэрната Кіеўскага авіяцыйнага інстытута.

Уночы 17 чэрвеня Крэмль правёў чарговую масаваную атаку на сталіцу Украіны.

Вядома пра аднаго загінулага (грамадзяніна ЗША) і як мінімум 16 параненых.

У Саломенскім раёне пасля прамога трапляння цалкам абрынуўся пад'езд жылога шматпавярховага дома. Пад руінамі могуць знаходзіцца людзі.

Таксама ўдарнай хваляй ад падзення абломкаў дронаў-камікадзэ пашкоджаны будынак інтэрната Кіеўскага авіяцыйнага інстытута, паведамляе «Суспільне».

У інтэрнаце выбітыя ўсе вокны. Ёсць пацярпелыя, але, на шчасце, абышлося без загінулых. Студэнты ў гэты момант знаходзіліся ў схованцы. Ужо раніцай іх пераселяць у іншыя інтэрнаты.