Трамп: патрэбна поўная капітуляцыя Ірана найбліжэйшым часам

• 17.06.2025, 15:30

Прэзідэнт ЗША заявіў, што не мае намеру весці перамовы.

Злучаныя Штаты Амерыкі не звярталіся да Ірана з заклікам аб мірных перамовах, а таксама чакаюць яго поўнай капітуляцыі.

Пра гэта заявіў прэзідэнт ЗША Дональд Трамп падчас выступу на борце прэзідэнцкага самалёта.

На пытанне журналіста, што можа быць лепшым, чым замірэнне, Трамп адзначыў, што гаворка ідзе пра заканчэнне баявых дзеянняў.

«Канец. Сапраўдны канец. Не спыненне агню, а канец баявых дзеянняў. Поўная капітуляцыя», - заявіў Трамп.

Ён таксама падкрэсліў, што поўная капітуляцыя Ірана цалкам магчымая ўжо найбліжэйшым часам.

Паводле ягоных слоў, калі Іран хоча пагаварыць, то яго лідары ведаюць, як звязацца з ЗША. Ён таксама абвінаваціў іранскіх кіраўнікоў у нежаданні дасягнуць пагаднення аб сваёй ядзернай праграме і заявіў, што цяпер ён менш зацікаўлены ў перамовах з імі.

«Яны павінны былі ўкладаць пагадненне. Я ім сказаў, укласці пагадненне. Так што я не ведаю. Я не ў настроі весці перамовы. Ім варта было прыняць пагадненне, якое было на стале — гэта выратавала б шмат жыццяў», - дадаў ён.