Аперацыя «чырвонае вяселле»: як спланавалі ліквідацыю вайсковага кіраўніцтва Ірана

• 18.06.2025, 17:25

Ізраільскім ВПС удалося цягам 12 хвілін ліквідаваць ключавыя фігуры.

У канцы лістапада 2024 года Мінабароны надумала распрацаваць план буйнамаштабнай аперацыі супраць Ірана з мэтай нанесці сур'ёзную шкоду ягонай ядзернай праграме. У рамках аперацыі “чырвонае вяселле” Ізраільскім ВПС удалося цягам 12 хвілін ліквідаваць ключавыя фігуры ў вайсковым кіраўніцтве Ірана, пішуць “Детали”.

Пакуль ЦАХАЛ змагаўся з «Хізбалой» у Лібане, высокапастаўленыя афіцэры вайсковай выведкі і ВПС сабраліся ў гатэлі ў цэнтры Ізраіля прыкладна на дзесяць гадзін з мэтай пазначыць стратэгічныя цэнтры супраціўніка, ударыўшы па якіх, ЦАХАЛ мог нанесці максімальную шкоду. Было пазначанае кола цэляў: старэйшыя службовыя асобы Генеральнага штаба, сістэма СПА, месцы захоўвання ракет і БПЛА, пускавыя сістэмы і ядзерныя цэнтры.

Пасля першай сустрэчы адбыўся семінар у штаб-кватэры «падраздзялення 8200» з удзелам 120 афіцэраў у рангу ад падпалкоўніка да брыгаднага генерала з мэтай аналізу выведвальны звестак і распрацоўкі плана дзеянняў. Найлепшыя розумы вайсковай разведкі і ВПС спрабавалі зразумець: як прарваць Іранскія абарончыя заслоны і нанесці ўдар па крытычных цэнтрах. Прайшло тры месяцы, але прымальнага развязання і выразнага плана ўсё яшчэ не было.

Пачынаючы з лютага, вайскоўцы зноў сабраліся і разважылі, што падчас аперацыі трэба развязваць некалькі задач адначасова. Да сакавіка план быў гатовы. Ён атрымаў назву "Чырвоная вяселле”, узятае з адной з самых запамінальных і драматычных серый “Гульні тронаў".

Сакрэтны план палягаў у тым, каб гарантаваць бяспечны паветраны калідор адлегласцю 1500 км і атакаваць высокапастаўленых кіраўнікоў вайсковых фармаванняў Ірана. У кіраўніцтве ЦАХАЛа сказалі, што гэта задума на мяжы фантастыкі. У выніку выведка і ВПС змаглі за 12 хвілін ліквідавалі дзесяць высокапастаўленых кіраўнікоў вайсковых сіл Ірана.

Паводле крыніц, больш за 200 знішчальнікаў атакавалі больш за 100 цэляў па ўсім Іране. Кожнай эскадрыллі, у залежнасці ад зоны дзеянняў, былі дадзены каардынаты іранскіх генералаў, якіх трэба было знішчыць. Хтосьці з членаў Генштаба УС Ірана спаў дома, хтосьці знаходзіўся ў штабе, хтосьці ў іншым месцы. Выведцы было вядома месцазнаходжанне шэрагу генералаў. Лакацыі былі перададзеныя ВПС і план, як вядома, спрацаваў.

Ужо ў першыя гадзіны стала ясна, што тры самыя старэйшыя вайсковыя камандзіры іранскага рэжыму былі ліквідаваныя: начальнік штаба Узброеных Сіл рэжыму Махамад Хасэйн Бакеры; камандзір КВІР Хасейн Саламі; і кіраўнік Цэнтральнага штаба Хатэм-Галам Алі Рашыд. З часам спіс забітых генералаў папаўняўся.

Як паказалі першыя гадзіны вайны, іранскія штабы былі дэзарыентаваныя, камандаваць абарончымі дзеяннямі не было каму.

Падчас прэвентыўнага ўдару па Іране былі знішчаныя больш за 20 іранскіх камандзіраў, уключаючы кіраўніка выведвальнай управы ўзброеных сіл і камандзір падраздзяленнем КВІР, якое аперавала ракетамі класа «зямля-зямля».