Тэгеран без балістыкі: Ізраіль знішчыў больш за 200 пускавых установак іранскіх ракет

• 18.06.2025, 12:26

Аперацыя «Народ як леў» ужо дае адчувальныя вынікі.

Вайсковая кампанія Ізраіля супраць іранскай ракетнай інфраструктуры, якая праводзіцца ў рамках аперацыі «Народ як леў», ужо дае адчувальныя вынікі. Паводле ацэнкі Войска абароны Ізраіля (ЦАХАЛ), за апошнія дні Іран змог выпусціць толькі блізу 20 балістычных ракет, што значна менш у параўнанні з пікавымі днямі, калі было зафіксавана да 370 пускаў.

Паспяховая кампанія ЦАХАЛ прывяла да таго, што Іран адсунуў свае пускавыя ўстаноўкі яшчэ далей ад Ізраіля, піша The War Zone са спасылкай на ізраільскіх вайскоўцаў.