Ці могуць у ЗАГСе забараніць бацькам даць незвычайнае імя дзіцяці?

• 18.06.2025, 14:16

Ёсць шэраг нюансаў.

Супрацоўнікі загса не павінны ўплываць на выбар імя малога, але існуюць тонкасці ў гэтым пытанні.

- У адпаведнасці з арт. 69 Кодэкса аб шлюбе і сям'і орган ЗАГСа не мае права адмовіць бацькам у прысваенні імя дзіцяці, – патлумачыла начальніца аддзела арганізацыйна-метадычнай работы галоўнай управы юстыцыі Гомельскага аблвыканкаму Наталля Сакалова.

Аднак нюансы ёсць і адмовіць маме з татам ўсё ж такі могуць.

- Прычынай адмовы могуць стаць толькі парушэнне нормаў грамадскай маралі або супярэчнасць нацыянальным традыцыям, – удакладніла спецыялістка.

Са слоў Наталлі Сакаловай, бываюць выпадкі, калі бацькі хочуць назваць нованароджанага занадта незвычайным імем, тады работнік ЗАГСа можа толькі звярнуць іх увагу на непажаданыя наступствы ў будучыні.

- Аднак канчатковая пастанова заўсёды застаецца за мамай і татам, – рэзюмуе яна.

Дарэчы, дасягнуўшы 16 гадоў, грамадзяне Беларусі могуць мяняць імя, прозвішча і імя па бацьку. Для гэтага трэба падаць заяву ў ЗАГС. У выпадку адмовы, можна ісці ў суд.