Пяцёра кіроўцаў зладзілі гонкі па начным Берасці

• 18.06.2025, 14:34

Як іх пакаралі.

Супрацоўнікі ДАІ знайшлі і пакаралі пяцярых кіроўцаў, якія зладзілі гонкі ў Берасці, паведамілі ва УУС.

16 чэрвеня ў сетцы з'явілася відэа начнога стрытрэйсінгу на вуліцы Маскоўскай у абласным цэнтры. Інспектары выявілі асобы кіроўцаў пяці аўтамабіляў і склалі ў дачыненні да іх адміністрацыйныя пратаколы.

"Стрытрэйсінг - гэта не толькі парушэнне ПДР, але і прамая пагроза бяспекі для ўсіх удзельнікаў дарожнага руху. Несанкцыянаваныя гонкі ствараюць небяспечныя сітуацыі на дарогах, павышаюць рызыку ДТЗ і могуць прывесці да сур'ёзных наступстваў”, — рэзюмавалі ў ДАІ.