У Берасцейскай вобласці абвясцілі набор вайсковаабавязаных

• 18.06.2025, 14:48

Што адбываецца.

Збор вайсковаабавязаных абвясцілі ў Берасцейскай вобласці Беларусі, якая мяжуе з Польшчай.

Афіцэры і салдаты будуць задзейнічаны ў «спецыяльных мерапрыемствах, прысвечаных рэагаванню на новыя выклікі».

З 18 да 24 чэрвеня ў Берасцейскай вобласці праходзяць «мабілізацыйныя вучэнні», арганізаваныя вайсковымі камісарыятамі, удакладнілі ў Міністэрстве абароны Беларусі.

Падчас гэтых мерапрыемстваў вайсковаабавязаныя змогуць аднавіць свае навыкі абыходжання са зброяй і тэхнікай. Таксама будзе магчымасць пастраляць.

Акрамя таго, у рамках вучэнняў плануецца правесці мерапрыемствы інфармавання і выкліку ўсіх датычных у вайсковыя камісарыяты.

Таксама задзейнічаны падраздзяленні сіл спецыяльных аперацый Узброеных Сіл Беларусі.