Конар Макгрэгар збіў мужчыну ў начным клубе на Ібіцы

• 18.06.2025, 19:36

Відэа.

Былы чэмпіён UFC Конар Макгрэгар трапіў у гучны скандал падчас адпачынку на Ібіцы.

Як паведамляе The Sun, 36-гадовы ірландзец збіў наведвальніка начнога клуба.

Паводле інфармацыі крыніцы, інцыдэнт адбыўся ў аўторак раніцай у клубе Pacha. Конар размаўляў з мужчынам, а затым нанёс яму два ўдары, пасля чаго той упаў на падлогу.

Сведкі сцвярджаюць, што канфлікт пачаўся праз нейкія словы, якія раззлавалі ірландца.

Пацярпелага вывелі з памяшкання, а Макгрэгар разам з сябрамі застаўся ў начным клубе.

Апошні раз Макгрэгар выходзіў у актагон летам 2021 года, калі датэрмінова саступіў амерыканцу Дасціну Пар'е.