Палітолаг: Беларускім генералам варта задумацца

• 19.06.2025, 11:26

Імунітэту ў іх няма.

Беларускі палітолаг Анатоль Котаў у інтэрв'ю сайту Charter97.org расказаў, як параза іранскага рэжыму паўплывае на лукашэнкаўскую дыктатуру:

- На сённяшні момант ліквідаваная верхавіна КВІР, войска і ядзернай праграмы. Не выратавалі сакрэтнасць, меры бяспекі і нават бункеры. Таму лёс вярхоўнага аяталы, можна сказаць шчыра, у руках у прэзідэнта ЗША Дональда Трампа. У выпадку далейшай эскалацыі ён страціць "імунітэт", які яму даюць хутчэй звычаі міжнароднага права, чым фізічныя меры абароны.

У гэтым выпадку можна прагназаваць, што рэжым складзецца як картачны дамок. Для Менска гэта будзе азначаць, што і ў яго “імунітэту" няма. Генералітэт, які мроіць пра Сувалці калідор або пра «Вільню за тры дні», павінен сур'ёзна задумацца — у іх “імунітэту” ўжо няма.