У РНБА Украіны назвалі колькасць знішчаных расейскіх самалётаў

• 2.06.2025, 12:21

Дроны атакавалі чатыры аэрадромы.

Кіраўнік Цэнтра процідзеяння дэзінфармацыі пры Радзе нацыянальнай бяспекі і абароны Украіны Андрэй Каваленка назваў колькасць самалётаў, знішчаных у выніку спецаперацыі Службы бяспекі Украіны «Павуціна» 1 чэрвеня.

«Мінімум 13 расейскіх самалётаў знішчана і яшчэ больш пашкоджана на балотах (усяго больш за 40)», – напісаў ён.

Каваленка адзначыў, што СБУ пазней прадаставіць дадатковую інфармацыю.

Усяго, паводле звестак СБУ, дроны атакавалі чатыры аэрадромы.