The Washington Post: Украіна перапісвае правілы сучаснай вайны

• 2.06.2025, 14:11

Шкода расейцаў ацэньваецца на $2 мільярды.

Украіна правяла адзін з самых дзёрзкіх нападаў за ўвесь час поўнамаштабнай вайны, прадэманстраваўшы, як танныя дроны могуць нанесці шматмільярдныя страты стратэгічным аб'ектам супраціўніка, The Washington Post (пераклад — сайт Charter97.org). аперацыя «Павуцінне», як яе назвалі ў СБУ, стала тэхналагічным і тактычным прарывам, параўнальным у значнасці з нападам Японіі на Пэрл-Харбар у 1941 годзе.

У нядзелю ўкраінскія дроны, запушчаныя з тэрыторыі Расеі з пераабсталяваных грузавікоў, атакавалі адразу пяць расейскіх авіябаз, уключаючы аб'екты ў Сібіры і на Крайняй Поўначы. З заяў украінскай старны, было выведзена з ладу да траціны далёкіх бамбавікоў, уключаючы Ту-95, Ту-22М3 і самалёт ДРЛА А-50. Шкода ацэньваецца на$2 мільярды.

Аперацыя стала магчымай дзякуючы новаму падыходу: дроны былі дастаўленыя ўглыб Расеі ў спецыяльных драўляных кабінах і запускаліся дыстанцыйна. Гэта паставіла пад сумнеў бяспеку нават самых ахоўных баз і вымусіла экспэртаў ва ўсім свеце задумацца аб неабходнасці тэрміновага інвеставання ў сістэмы СПА супраць беспілотнікаў.

Экспэрты параўноўваюць падзею з гістарычным паваротам у ваеннай дактрыне: як атака на Пэрл-Харбар паказала канец эры лінкораў, так і «Павуцінне» ставіць пад пытанне будучыню пілатаванай авіяцыі. Украіна, сутыкаючыся з нястачай заходніх ракет Patriot, робіць стаўку на масавую вытворчасць дронаў: у 2024 годзе іх было выраблена 2,2 мільёна, у 2025 плануецца 4,5 мільёна.

Атака таксама закранае пытанні стратэгічнай стабільнасці, паколькі знішчаныя самалёты могуць несці ядзерную зброю. На фоне палітычнай нявызначанасці ў ЗША і асцярожнасці Еўропы, Украіна дэманструе, што гатовая браць ініцыятыву ў свае рукі.