Менчукі зноў сталі ў вялікую чаргу

• 2.06.2025, 17:55

Па што гэтым разам?

Гандлёвая сетка «Гіпа» 31 траўня ў гонар свайго 20-годдзя частавала гасцей бясплатнымі бургерамі ад шэф-кухара. Па кулінарны «бонус» стала велізарная чарга, вынікае з відэа, якое апублікавала блогерка d.murka.

Ролік чакана выклікаў бурнае абмеркаванне ў сеціве, піша «Зеркало». Адны карыстальнікі такія паводзіны гасцей асудзілі:

«Стаяць гадзінамі, каб з'есці нейкую булку з катлетай. Яшчэ і з дзецьмі на руках», — абурылася каментатарка пад мянушкай «Сашка».

«Гляджу і крыўдна за нашых людзей», - падтрымаў Kombat.

«Проста ганьба. На дурніцу гатовыя дзень у чарзе стаяць», - напісала elenavarvar.

«Нават не ведала, што ў краіне такі голад», — Dina Jennifer Light.

Іншыя каментатары паспрабавалі растлумачыць, што за бясплатныя бургеры людзі, якія стаяць у чарзе, плацяць сваім часам.

«За гэтыя некалькі гадзін мог бы зарабіць на дзясятак бургераў», — падтрымаў думку Piligrim.

А хтосьці расказаў, што якасць бясплатных бургераў не апраўдала доўгага чакання:

«Дачка расказала пра гэтыя бургеры памерам з дулю і шалёную чаргу па іх, вату, лыжку згушчонкі і па ваду. Была ў шоку»