У Менску прапанавалі кватэры з аздабленнем коштам удвая ніжэйшым за рынкавы

• 2.06.2025, 15:38

Але скарыстацца выгаднай прапановай зможа далёка не кожны.

Менчукам прапанавалі кватэры ў шматпавярховіку-новабудзе ў мікрараёне Масюкоўшчына-4. Кошт кватэры ў новай панэльцы, здаць якую будаўнікі разлічваюць у другім квартале 2026 года, заяўлены амаль удвая ніжэйшы за сярэдні кошт на рынку. Аднак, скарыстацца выгаднай прапановай зможа далёка не кожны.

Новабудоўля ў межах вуліц М. Лынькова − П. Глебкі − праезд Масюкоўшчына ад Управы капітальнага будаўніцтва «Захад» прызначана для тых, хто стаіць у чарзе і мае патрэбу ў паляпшэнні жыллёвых умоў. Паўдзельнічаць у долевым будаўніцтве гэтага дома можна з накіраваннямі, якія выдаюцца раённымі адміністрацыямі горада.

Паводле інфармацыі партала Realt.by, цяпер на чарзе — будаўніцтва дома № 7. Згодна з праектам к 10-павярхоўвіку будзе 3 пад'езды і 120 кватэр:

* 3 аднапакаёвыя,

* 57 двухпакаёвых,

* 60 трохпакаёвых.

У будынку прадугледжаны тэхнічны паверх у сутарэнні дома, тэхнічнае гарышча, плоскі дах і, у духу часу — без цэнтральнага смеццеправода. Незвычайнай для тыпавых панэлек дэталлю павінны стаць выхады з пад'ездаў на абодва бакі дома, а таксама зашклёныя лоджыі.

Акрамя таго, забудоўшчык плануе здаваць усе кватэры з гатовым аздабленнем: шпалерамі на сценах, лінолеумам, пліткай на падлозе, пафарбаванымі столямі. Пры гэтым кошт квадратнага метра заяўлены на 2364 рублі (блізу 790 даляраў), што як мінімум удвая ніжэй за рынкавы кошт.

Пачатак прыёму заявак на будаўніцтва ад грамадзян пачнецца 15 ліпеня ў офісе УКБ «Захад». Акрамя накіравання з раённай адміністрацыі чаргавікам неабходна мець пры сабе пашпарт.