Авіяэксперт: Украіна зможа дабіць стратэгічную авіяцыю РФ, калі цяпер атрымае Taurus

• 2.06.2025, 20:03

Украінцы змаглі б атакаваць авіярамонтныя заводы акупантаў.

Сілы абароны змогуць дабіць расейскія стратэгічныя бамбавікі на авіярамонтных заводах, калі Украіна атрымае нямецкія дальнабойныя ракеты Taurus. Пра гэта LIGA.net расказаў авіяэксперт, галоўны навуковы супрацоўнік Нацыянальнага авіяцыйнага ўніверсітэта Валерый Раманенка.

Паводле ягоных словаў, калі цяпер Кіеву паставяць Taurus, абаронцы змогуць дабіць расейскія самалёты на авіярамонтных заводах у Дзягілеве (Разанская вобласць) і Таганрогу (Растоўская).

Таксама Раманенка расказаў, што ўдар Службы бяспекі Украіны па стратэгічных аэрадромах РФ памяншае пагрозу Масквы для Еўропы, і адзначыў, што гэтую аперацыю мае сэнс параўноўваць з ударам японцаў па амерыканскім Пэрл-Харбары.