Зяленскі намякнуў на новыя захады праз нахабства РФ на перамовах

• 2.06.2025, 21:23

Украіна пасля «Павуціны» можа ажыццявіць чарговую аперацыю.

Украіна пасля аперацыі «Павуціна» можа ўжыць супраць Расеі новыя захады. Расейская дэлегацыя застаецца нахабнай на перамовах.

Пра гэта прэзідэнт Украіны Уладзімір Зяленскі заявіў у час размовы з журналістамі.

Кіраўнік дзяржавы адзначыў, што расейская дэлегацыя ў час сённяшніх перамоваў у Стамбуле паводзіла сябе «крыху спакайней», чым на мінулай сустрэчы. Але нахабства расейцаў нікуды не падзелася.

«Нахабныя людзі паводзілі сябе крыху сціплей. Ну, паглядзім, можа трэба яшчэ пару нейкіх захадаў і ўжо будуць усе паводзіць сябе, паспрабуюць паводзіць сябе як людзі», – дадаў ён.